ISINULONG ni Manila 6th District Rep. Bienvenido “Benny” Abante Jr. sa Mababang Kapulungan ng Kongreso na muling balangkasin ang Quad Committee upang maipagpatuloy at palawakin ang imbestigasyon sa mga hindi nareresolbang kaso ng extrajudicial killings (EJK), ilegal na operasyon ng droga, offshore gaming hubs, at talamak na korapsyon na kinasasangkutan ng mga opisyal ng gobyerno at mga kriminal na sindikato.

Sa kanyang privilege speech nitong Lunes, hinimok ni Abante—na muling nahalal bilang chairman ng Committee on Human Rights—ang kanyang mga kasamahan na “stay the course” at tapusin ang nasimulan ng Kamara noong ika-19 na Kongreso, kung saan nadiskubre ng orihinal na Quad Comm ang matitinding ebidensya ng pang-aabuso, kawalan ng pananagutan, at pagkakasangkot ng estado.

“Let us not allow the passage of time—or political convenience—to bury the horrors we have uncovered. The lives lost, the mothers left mourning, the children orphaned, the names forgotten by all but their families—these should not be tragic footnotes in our nation’s history. For they are wounds that demand healing, and crimes that demand justice,” ani Abante.

Binigyang-diin niya na may tungkulin ang Kongreso na tapusin ang imbestigasyon, at sinabing “the process of reckoning is far from over.”

“There is still work that must be done—truths that remain hidden, perpetrators who remain unpunished, and families who still wait for answers,” ani Abante.

“Let us reconvene the Quad Comm in the 20th Congress. Let us continue the investigation into the extrajudicial killings that scarred our nation. Let us show the Filipino people that justice does not expire with time, and that this Congress has the courage to finish what it has started,” dagdag pa niya.

Nitong Miyerkules rin, naghain si Abante ng isang resolusyon na pormal na nagpapahintulot sa mga Komite sa Human Rights, Public Order and Safety, Dangerous Drugs, at Public Accounts na magsagawa ng panibagong pinagsamang imbestigasyon “to address emerging and unresolved issues” na lumitaw mula sa dating Quad Comm.

Ayon kay Abante, palalawakin pa ng bagong komite—na tatawaging “Quad Comm 2.0”—ang sakop ng imbestigasyon upang siyasatin ang “the persistent and systemic problems of criminality and criminal syndicates that have flourished across the years, often with the aid and protection of past and incumbent government officials.”

Binanggit din niya ang kaso ng mga “missing sabungeros,” na aniya’y maaaring masaklaw bilang mga kaso ng EJK.

“May mga alegasyon pa na ilang miyembro ng ating kapulisan ay sangkot sa mga insidenteng ito, at mga matataas na tao sa lipunan. Hindi ito bago sa atin—ito’y kahalintulad ng mga kaso ng EJK na ating naimbestigahan noong 19th Congress, kung saan may umaabuso sa kanilang kapangyarihan,” ani Abante.

Dagdag pa niya, “Ang tanong ngayon: Bakit sila pinapatay? May koneksyon ba ang mga kasong ito sa mga naunang EJKs na ating inimbestigahan? O nagkaroon na ba tayo ng kultura of killing with impunity?”

Malugod na tinanggap ni Abante ang mariing pahayag ni Pangulong Ferdinand R. Marcos Jr. sa kanyang State of the Nation Address na pananagutin ang mga nasa likod ng mga pagkawala.

“This is the kind of leadership we need—one that recognizes that no one is above the law, and that justice must be pursued regardless of social status or political clout,” aniya.

Ipinunto rin ng mambabatas ang ilang tanong kaugnay ng naging epekto ng crackdown sa Philippine Offshore Gaming Operators (POGO), na lumaganap at naging ugat ng iba’t ibang ilegal na gawain sa ilalim ng nakaraang administrasyon.

“Ano na po ang nangyari sa mga libu-libong foreign nationals na nasa empleyo ng mga pinasarang POGO hubs at sites? Napa-deport na ba sila? Naka-detain? O malaya pa ring nakakagala sa ating bansa?” tanong ni Abante.

Dagdag pa niya: “Pangalawa, ano na po ang mangyayari sa mga lupaing nabili ng mga foreign nationals na gumamit ng pekeng IDs o mga dokumento upang ipalabas na sila ay Filipino citizens? May inventory na ba ng mga ari-ariang ito?”

Binanggit pa ni Abante na ang naging trabaho ng Quad Comm noong nakaraang Kongreso ay nagbunga ng paghahain ng mga mahahalagang panukala gaya ng Anti-Extrajudicial Killing Act at Civil Forfeiture Act, na aniya’y mahalaga upang sugpuin ang impunity at mabawi ang mga yaman na nakamkam mula sa mga abusado sa gobyerno.

“The goal here is this: we must empower the Quad [Comm] in order for it to cast a wide investigative net and to finally uncover and dismantle the networks of criminal syndicates whose power and influence has long slithered in the shadows and beneath the reach of our government institutions – ever elusive and seemingly well-protected,” diin niya.

Sinabi ni Abante na kahit magbago pa ang komposisyon ng panel at ng mga testigo, mananatili ang layunin ng Quad Comm: “to uncover the truth, to pursue justice, and to ensure that never again will the machinery of the State be used to silence the powerless and shield the powerful.”

Nitong Martes, inihalal ng Kamara ang mga chairman ng dalawa pang pangunahing komiteng bumubuo sa Quad Comm. Itinalaga si Bukidnon 2nd District Rep. Jonathan Keith Flores bilang pinuno ng Committee on Dangerous Drugs, habang si Manila 2nd District Rep. Rolando Valeriano naman ang itinalagang chair ng Committee on Public Order and Safety. Wala pang bagong chairman ang Committee on Public Accounts.

Sa kanyang talumpati, tinanggihan ni Abante ang mga paratang na ang gawain ng Quad Comm ay pulitikal at binalaan ang mga kasamahan na ang kawalan ng aksyon ay maaaring ituring na pakikiisa sa kasamaan.

“May nagsasabi na pulitika lang ito. But this is not a partisan crusade, Mr. Speaker. This is a moral one. Because murder knows no color but one: red—the color of blood unjustly spilled,” aniya.

“To remain silent is to share in the sin. To walk away now would be to turn our backs on the very people we swore to serve and protect,” giit pa niya.

Tinapos ni Abante ang kanyang talumpati sa isang personal na pananalita, kung saan sinabi niyang maaaring ito na ang kanyang huling termino sa Kongreso, at nais niyang maalala bilang isang lider na lumaban para sa tama.

“I want to be able to say—with a clear conscience and a faithful heart—that I did not flinch in the face of evil, that I did not bend when justice demanded I stand, and that I gave everything I had to make sure no mother would have to bury her child without answers, and no family would be denied the dignity of truth,” aniya.

“Let us stay the course. Let the Lord’s work continue. Let the truth be told for all to hear. And let justice finally be done,” pagtatapos ni Abante.