NAGLABAS ang Philippine Institute of Volcanology and Seismology (PHIVOLCS) ng sped-up footage ng ash emission mula sa summit crater ng Kanlaon Volcano nitong Sabado, Mayo 17, bandang alas-10:08 ng umaga.

Ayon sa PHIVOLCS, nagbuga ang bulkan ng kulay-abong plume na umabot sa tinatayang 1,500 metro mula sa crater bago naanod pa-timog kanluran.

Nanatili namang nakataas ang Alert Level 2 sa Kanlaon, na nangangahulugang may patuloy na katamtamang antas ng volcanic unrest at posibilidad ng biglaang phreatic o steam-driven eruptions.