HINIMOK ni Sen. Erwin Tulfo ang Department of Transportation (DOTr) na ayusin ang mga airport at gawing abot-kamay ang biyahe sa isla.

Bumaba raw ang domestic tourist arrivals.

“Ang dami nating mga isla na magaganda na mapupuntahan lang lulan ang turboprop, kaso lang, kailangan pa pumunta sa Clark airport ng mga turista para makasakay. May puwede bang magawa rito,” tanong ni Tulfo.

Turboprop ang eroplano na propeller. Kayang dumapo nito sa maikling runway. Mula Marso 29, 2026, lumipat na sa Clark mula Ninoy Aquino International Airport (NAIA) Terminal 2 ang natitirang lipad ng Cebgo, AirSwift at Sunlight Air. Kaya mula Maynila papuntang Coron, El Nido o Naga, may extra leg muna.

Sa bagong Tourism Data Dashboard na inilunsad ng Department of Tourism noong Setyembre 17, 4.42 milyong visitor arrivals ang naitala hanggang Agosto 31.

Sinabi ni Secretary Giovanni Lopez na nais ng departamento ang mas mahaba at malawak na mga runway para sa mas maraming turboprop, ngunit sa ibang sites ay kulang ang lupain.

Ang mga bagong DOTr airport ay may 2,100-meter minimum runway. Ang 2,100-meter strip sa Busuanga ay maaaring matapos ng first quarter ng 2027, habang ang Bukidnon Airport ay due sa Disyembre 2026 para sa mga turboprop at ang extended runway ay sa second quarter ng 2027.

Ayon sa Department of Budget and Management, P300.96 bilyon ang National Expenditure Program ng DOTr pero P5.81 bilyon lang ang aviation slice, P123.84 bilyon ang North-South Commuter Railway at P67.44 bilyon ang subway.

Sinabi rin ni Tulfo na mahalagang may jet bridges — ang enclosed tubes mula terminal papuntang pintuan, hindi hagdan sa tarmac — sa disenyo ng mga airport, para sa mga senior at persons with disability.

“The DOTr should make it a policy to incorporate tubes in designing airport facilities. The design should cater to commonsensical concerns of passengers and tourists,” dagdag niya.