DUMALO sina Department of Agriculture (DA) Secretary Francisco Tiu Laurel Jr. at Gob. Humerlito “Bonz” Dolor sa pagbubukas ng Oriental Mindoro Consolidation and Trading Facility (OMCTF) sa Provincial Demonstration Farm sa Merit, Victoria noong Lunes.

Pinaniniwalaang malaking hakbang ang OMCTF upang alalayan ang mga magsasaka sa kanilang mga inaaning produkto at tulungan kumita.

Sa pamamagitan ng pasilidad na ito, ang mga raw agricultural product na sobra at halos hindi na mabili sa iba’t-ibang mga bayan ay bibilhin ng pamahalaang panlalawigan sa tamang presyo.