KAMPO HENERAL MALVAR, Batangas–Umabot sa P3,800 na halaga ng ilegal na mga paputok at pyrotechnics ang nasamsam sa Brgy. Catandala, Batangas City kamakailan.

Kabilang sa mga nasamsam ang 75 kwitis, 30 happy flower, 55 whistle bomb at iba pang klase ng mga ipinagbabawal na paputok, ayon sa Batangas City police.

Kasalukuyang nasa kustodiya ng Batangas City police ang nahuling suspek sa pagbebenta ng mga ilegal na paputok para sa wastong disposisyon alinsunod sa Memorandum on the Disposal of Confiscated Firecrackers and Fireworks.

Pinagtibay ng Batangas police ang kanilang pangako na palakasin ang mga operasyon para sa kaligtasan ng publiko.