KAMPO HENERAL MALVAR, Batangas–Natimbog noong Miyerkules ang lalaking may dalang shabu at baril sa Taysan, Batangas.

Naaresto bandang alas-10:30 ng umaga ang suspek na si Alyas Niko, 33, batay sa dalawang search warrants para sa paglabag sa RA 10591 (Comprehensive Firearms and Ammunition Regulation Act) at Republic Act No. 9165 (Comprehensive Dangerous Drugs Act of 2002).

Nasamsam sa kanyang possession ang isang cal .45 na baril, magazine, pitong bala, gun holster, sling bag at shabu na limang gramo na tinatayang nasa P34,000 ang halaga.