ISANG lindol na may lakas na magnitude 5.2 ang yumanig sa Davao Oriental ngayong Miyerkoles, Hunyo 8.

Batay sa inilabas na impormasyon ng Philippine Institute of Volcanology and Seismology (PHIVOLCS) naramdaman ang lindol alas-4:37 a.m.

Ang epicenter ng lindol ay 103 kilometro sa Tarragona, Davao Oriental at may lalim na 62 kilometro.

Naitala ng PHIVOLCS ang mga sumusunod na Intensity:

Intensity IV- Tarragona at Caraga, Davao Oriental

Intensity III- Manay, Davao Oriental

Instrumental Intensities:

Intensity II – Malungon, Saranggani

Intensity I – Tupi, South Cotabato; Nabunturan, Davao de Oro