UMABOT na umano sa P20 milyon ang pinsala sa agrikultura dulot ng pagputok ng bulkang Bulusan sa Sorsogon, ayon sa National Disaster Risk Reduction and Management Council (NDRRMC).

Ayon kay NDRRMC spokesperson Mark Timbal nagtayo ng evacuation site ang Department of Agriculture (DA) sa lugar para pansamantalang paglagakan ng mga hayop upang hindi maapektuhan ng ash fall.

Itinaas ng Philippine Institute of Volcanology and Seismology (PHIVOLCS) ang Alert Level 1 sa Bulusan matapos itong pumutok noong Hunyo 5.