INANUNSYO ang plano sa Laguna na maglagay ng dental clinic sa loob ng capitol compound simula sa Abril.

Naglalayong pangalagaan ang mga empleyado ng kapitolyo sa tulong ng dental clinic.

“Ang paglilingkod sa kapwa ay paglilingkod sa diyos,” ayon kay Abner Dionglay mula sa tanggapan ng gobernador at kinatawan ni Gob. Sol Aragones

Layunin ng proyekto na mabigyan ang mga empleyado ng madaling access sa pangangalaga sa ngipin at upang mapangalagaan ang kanilang kalusugan at maayos magampanan ang kanilang tungkulin, dagdag ng opisyal.

Binigyang-diin ni Dionglay na ang inisyatibong ito ay patunay ng suporta ng pamunuan sa kanilang mga tauhan dahil ang malusog na empleyado ay mas handang gampanan ang kanilang papel para sa ikauunlad ng Laguna.