KINILALA ang Limay, Bataan noong Lunes na magaling sa pagkolekta ng mga buwis.

“Ang Limay ay isa sa mga kinilala sa Real Property Tax Collection Efficiency na ginanap noong Disyembre 15,” sabi ni Mayor Richie Jason David.

Si Bataan provincial treasurer Alice Magtanong ang nanguna sa pagkilala sa Limay at dinaluhan ang event nina Mayor Jason David, Vice Mayor Grace David kasama sina Jocelyn Linao at Carlo Oracion, municipal treasurer.

Ang karangalang natanggap nila ay “pagkilala sa patuloy na pagsisikap, dedikasyon ng mga opisyal at kawani ng munisipyo sa tapat at epektibong pagpapatupad ng pangongolekta ng real property tax,” ayon sa mayor.