KINILALA ang katapatan ni Security Screening Officer (SSO) Judy Rose Araña ng Office for Transportation Security (OTS) matapos nitong isoli ang pera na naiwan ng isang pasahero.

Dumaan umano ang pasaherong si Antonio Causa sa security screening checkpoint ng Ninoy Aquino International Airport Terminal 1 na binabantayan ni Araña noong Setyembre 3.

Ang pasahero ay patungo sa Bangkok, Thailand.

Napansin umano ni Araña ang gamit ng pasahero na mayroong lamang US$700.

Agad na ipinagbigay alam ni Araña sa kanyang supervisor ang kanyang nakita.

Nagpasalamat naman ang pasahero sa katapatang ipinakita ni Araña.