ISANG engineer ang pinagbabaril hanggang mamatay noong Linggo ng dalawang lalaking sakay ng motorsiklo sa Bgy. San Josef, Peñaranda, Nueva Ecija.

Sa ulat kay PRO3 director Brig. Gen. Ponce Rogelio Penones Jr., kinilala ni Nueva Ecija police ang biktima na si Elpidio, 59, isang engineer na naninirahan sa Bgy. San Josef, Peñaranda.

Isang saksi ang nagreport sa pulisya tungkol sa pamamaril at nakita ng mga rumespondeng pulis ang biktima na duguan na nakahandusay sa kalsada.

Inaalam na ngayon ng pulisya ang pagkakakilanlan ng dalawang lalaking suspek na sakay ng motorsiklo na nakasuot ng itim na jacket, helmet at face mask.