BONGABON–Nasakote ng mga pulis sa bayang ito ang babaeng online seller dahil sa kasong estafa na isinampa sa korte sa Antipolo City.

Hindi na nanlaban ang 28-anyos na suspek at payapang sumuko nang isilbi sa kanya ang arrest warrant dakong alas-8:10 ng gabi, ayon kay P/Major Alrick Erana, hepe ng Bongabon police.

Sinabi ng hepe na ipinalabas ng Presiding Judge ng Municipal Trial Court Branch 3 ng Antipolo City, Rizal ang arrest warrant para sa suspek.

Nagtakda ng P18,000 piyansa para sa pansamantalang kalayaan ng suspek ang korte.