NAGSIMULA na ang taunang Sorteo festival sa isang makulay na opening program kasama ang mga panauhing pandangal noong Lunes sa Brgy. Poblacion, Carmona City.

Inilunsad din ang bagong Sorteo Festival ’25 logo ng lokal na pamahalaan.

Kasama sa inilunsad ang cash lottery na nagkakahalaga ng tig-P300,000 para sa 10 magbubukid. Ang lottery ang grand prize ng festival.

Pinangunahan nina Congressman Roy Loyola, Mayor Dahlia Loyola kasama ang mga kandidato sa pagka-senador na sina Ramon ‘Bong’ Revilla, Ping Lacson, Camille Villar, Gov. Athena Tolentino at Board Member Ram Revilla ang programa at parada ng kaunlaran at float parade.