NAIBALIK na ang power service ng Manila Electric Company (Meralco) sa halos lahat ng customers nito kahit tuloy pa rin ang ulan dulot ng habagat.

“Our crews and field personnel are working overtime to address concerns and safely restore power in areas affected by the Habagat. Rest assured that we will not stop until service is restored to the last affected customer,” ayon kay Meralco Vice President at head of Corporate Communications Joe Zaldarriaga.

Sa data na inilabas alas-9 ng umaga ng Agosto 18, nasa 2,000 na lang na Meralco customers ang wala pang kuryente.

Umabot sa 10,000 customers ang nag-complain na wala silang kuryente noong Agosto 17.

Kumilos ang One Meralco Foundation (OMF) at namigay ng relief items sa mga sinalanta ng malakas na ulan na umaabot ng 1,400 pamilya sa Bulacan at Cavite.

Inaanyayahan ang lahat na mag-report kung may problema sa connection sa Facebook (Meralco) at X (@meralco) o kaya’y tumawag sa 0920-9716211 at 0917-5516211.