NAHULI noong Miyerkules ng mga pulis ang isang obrero na wanted dahil sa kalaswaan sa Brgy. Mabini, Tanauan, Batangas.

Naaresto ng mga miyembro ng Tanauan City police si alyas Roy batay sa warrant of arrest na inisyu ng Regional Trial Court, Branch 83 ng Tanauan City, Batangas para sa kasong acts of lasciviousness.

May inirekomendang piyansa ang korte na P200,000 para sa pansamantalang paglaya ng suspek.

Kasalukuyang nakakulong ang akusado sa Tanauan police custodial facility.

“Dine sa Batangas, walang takas,” sabi ni Batangas chief of police P/Col. Geovanny Sibalo.