INARESTO ng mga agents ng National Bureau of Investigation-Dumaguete District Office (NBI-DUMDO) ang lalaki dahil sa sexual assault sa 7-anyos na batang babae, noong Huwebes sa Bayawan City sa Negros Oriental.

Nakilala ang suspek na si alyas “Alien,” ayon kay NBI Director Jaime Santiago.

Nagmula ang kaso ng suspek sa reklamong inihain ng lola ng biktima na humingi ng tulong sa NBI-Central Visayas Regional Office.

Pinuri ni Santiago ang mga ahente ng NBI-DUMDO sa dedikasyon nila sa tungkulin.

Binigyang-diin niya na ang pag-aresto ay paalala na hindi natitinag ang NBI sa pangako nitong protektahan ang mga karapatan at kapakanan ng mga bata.