TARLAC CITY–Isang 22-anyos na lalaki ang inaresto ng mga pulisya noong Martes sa Brgy. Tibag ng lungsod na ito dahil sa mga kasong acts of lasciviousness at rape.

Kinilala ni Tarlac police acting director Col. Franklin Estoro ang suspek na si alyas Jek.

Dinakip ang suspek ng mga tauhan ng Tarlac City Police sa bisa ng mga warrant of arrest na inilabas ng Family Court, Branch 2 ng Baguio City, Benguet, kaugnay ng dalawang bilang ng acts of lasciviousness at isang kaso ng rape through sexual assault.

Ang suspek ay kasalukuyang nasa kustodiya ng Tarlac City Police para sa kaukulang disposisyon.