NAARESTO ang suspek sa krimen na may pag-iingat na dalawang granada, baril, bala at shabu ng mga pulis ng Indang, Cavite noong Biyernes.

Sa report ng Indang police, kinilala ang suspek na si alyas Leandro na ngayo’y nahaharap sa kasong paglabag sa RA 10591 (Comprehensive Firearms and Ammunition Regulation Act).

Inaresto ang suspek sa bisa ng warrant of arrest ni Judge Agripino Bravo ng Fourth Judicial Region ng Lucena City.

Kabilang sa nasamsam sa suspek ang isang cal .38 revolver, 10 bala, dalawang hand grenades at shabu na may halagang P13,600.