ANGELES CITY, Pampanga–Todas ang 28-anyos na lalaki na sinaksak ng hindi nakilala at nakatakas na suspek sa Brgy. Cutud, Angeles City noong Linggo.

Sa ulat kay Police Regional Office (PRO)-3 director P/Brig. Gen. Ponce Penones Jr., kinilala ang biktima na si alyas Christian.

Dead-on-arrival ang biktima sa Rafael Lazatin Memorial Medical Center (RLMMC) dahil sa pananaksak, ayon sa report.

Nagsasagawa na daw ng follow-up investigation ang mga awtoridad upang matukoy ang motibo at ang salarin sa krimen.