SWAK sa likod ng malamig na rehas ang 72-anyos na balo nang arestuhin ng mga pulis ng San Pascual, Batangas kamakailan dahil sa illegal recruitment.

Nahuli ang akusadong si alyas Edna, 72, sa Brgy. Poblacion, San Pascual, Batangas batay sa warrant of arrest para sa 2 counts ng krimeng syndicated illegal recruitment.

“Ang pulisya ng Batangas ay tinitiyak sa publiko ang kanilang patuloy na pagsisikap na ipatupad ang batas at habulin ang mga wanted na tao sa pakikipag-ugnayan sa mga korte,” sabi ng Batangas police.