IBINIGAY ni Gob. Humerlito “Bonz” Dolor kay Nanay Rosario “Rosing” Macaraig ang P100,000 mula sa pamahalaang panlalawigan ng Mindoro Oriental sa pagdiriwang ng kanyang centennial day noong Biyernes sa Brgy. Tacligan, San Teodoro.

Ibinigay ang pera katuwang ang Provincial Social Welfare and Development Office (PSWDO), Oriental Mindoro Senior Citizens’ Federation at ni San Teodoro Mayor Karen Ponce-Miranda.

Iginawad rin kay Nanay Rosing ang sertipiko ng pagkilala para sa kanyang kontribusyon sa komunidad bilang isa sa mga nakatatandang residente ng Oriental Mindoro.