PATAY ang isang lalaki kamakailan nang barilin ng hindi nakilalang salarin sa Phase 1, San Lorenzo Ruiz, Brgy. San Juan, Taytay, Rizal.

Isang tawag sa telepono pasado alas-5:30 ng umaga nang matanggap ng duty desk ng Taytay police na binaril ang biktimang si Mark Lester Mariano y Abordo.

Napag-alaman ng mga pulis na bandang alas-4:00 ng umaga nang makarinig ng sunod-sunod na putok ng baril sa lugar.

Makalipas ang ilang minuto, nakita ng bystander ang biktima na gumagapang at may mga tama ng bala sa iba’t-ibang bahagi ng katawan.

Dinala ang duguang biktima sa Rizal Medical Center sa Pasig City ngunit idineklarang dead-on-arrival ng attending physician na si Dr. Keni Cai.