NAGBALIK na sa normal na operasyon ang Light Right Transit Line 1.

Ayon sa Light Rail Manila Corporation (LRMC) natapos na ang pagkumpuni sa riles noong Sabado at nakapagsagawa na ng operational test at safety clearance ang riles.

Wala umanong ipatutupad na pagbabago sa regular service schedule ang LRT-1. Ang huling biyahe mula sa Baclaran station ay alas-9:30 ng gabi at huling tren ay aalis ng FPJ station alas-9:45 ng gabi.

Alas-4:30 ng umaga naman nagsisimula ang biyahe sa magkabilang direksyon.

Noong Agosto 20 ay pansamantalang nagpatupad ng limitadong operasyon ang LRT-1 matapos na magkaroon ng mechanical problem ang riles nito.