MAGLALABAS ng desisyon ang Land Transportation Franchising and Regulatory Board (LTFRB) sa susunod na linggo kaugnay ng mga petisyon para itaas ang pasahe sa mga pampublikong sasakyan.

Ayon kay LTFRB chairperson Teofilo Guadiz inaasahang sa Martes ay lumabas na ang desisyon.

Mayroong nakabinbing dalawang petisyon sa LTFRB na humihingi ng pagtataas sa pamasahe.

Ang isa ay humihingi ng P2 dagdag sa minimum fare at ang isa ay dagdag na P1 provisional fare habang dinidinig pa ang P5 dagdag sa minimum na pamasahe.

Sinabi ni Guadiz na humingi pa ang ahensya ng mga karagdagang dokumento mula sa mga grupo ng transport sector bago maglabas ng desisyon.