BINUKSAN ng Land Transportation Franchising and Regulatory Board (LTFRB) ang 43 dagdag na ruta para sa mga pampublikong sasakyan.

Sa inilabas na Memorandum Circular No. 2022-073 ng LTFRB, 11 ruta ang para sa traditional public utility jeepneys (PUJ), lima para sa modern PUJ, anim para sa traditional UV Express (UVE), isa para sa modern UVE, at 20 para sa pampublikong bus.

Ang pagbubukas ng dagdag na ruta ay bahagi ng pagdaragdag ng bilang ng mga sasakyan sa kalsada sa lalo pang pagbubukas ng ekonomiya.