KAMPO HENERAL MALVAR–Nasakote ng mga pulis ang lalaking wanted sa kasong murder noong Miyerkules sa San Juan, Batangas, ayon kay PCol. Oliver Ebora, director ng Batangas police.

Si alyas Taweng, 53, may asawa, magsasaka, ay nadakip ng mga tauhan ng San Juan police sa pamumuno ni PLt. Col. Crispin Banes, hepe ng pulisya, sa bisa ng warrant of arrest para sa kasong murder na inilabas ng Regional Trial Court, Fourth Judicial Region, Branch 87 ng Rosario, Batangas.

Ginamitan ng alternative recording device ang paghuli at ipinaalam sa suspek ang dahilan ng kanyang pag-aresto.