ISANG mananaya sa Davao City ang nanalo ng P35.314 milyon sa bola ng Lotto 6/42 noong Enero 17.

Ayon sa Philippine Charity Sweepstakes Office (PCSO) isa lang ang tumama sa winning number combination na 34-24-02-06-33-07.

Nanalo naman ng tig-P24,000 ang 27 mananaya na nakakuha ng lima sa anim na lumabas na numero.

Tig-P800 naman ang tinamaan ng 1,357 mananaya na naka-apat na numero at tig-P20 ang 25,109 mananaya na nakatatlong numero.

Ang mga nanalo ay mayroong isang taon para kunin ang kanilang premyo.

Ang premyo na mahigit P10,000 ay pinapatawan ng 20% buwis.