ITINALAGA ni Pangulong Ferdinand “Bongbong” Marcos Jr. ang mamumuno sa ilang attached agency ng Department of Transportation (DOTr).

Sa pahayag na inilabas ng DOTr, sinabi nito na si Cesar Chiong ang magsisilbing acting general manager ng Manila International Airport Authority (MIAA) samantalang si Edgardo Diaz ang magiging deputy director general ng Civil Aviation Authority of the Philippines (CAAP).

Si Manuel Antonio Tamayo ay itinalaga rin bilang Deputy Director General. Si Tamayo ay napili naman ni Transportation Secretary Jaime J. Bautista upang maging acting Director General.

Ang Civil Aeronautics Board (CAB) ay mananatili naman sa ilalim ng pamumuno ni Executive Director Carmelo Arcilla.

Ang Office for Transportation Security (OTS) ay pamumunuan naman ng bagong administrator nito na si Ma. O Ranada Aplasca.

Itinalaga naman si Hernani Nieves Fabia bilang bagong administrator ng Maritime Industry Authority (MARINA).