TIMBOG sa mga operatiba ng police station 7 ng Bacolod City ang isang lalaki na suspek sa panloloob sa Block 10, Lot 25 at 26, DC3, RPHS, Brgy. Alijis, Bacolod City noong Sabado.

Nakilala ang suspek na si alyas Nonoy, 34, ayon sa report na nakarating kay Negros Island Region police director Brig. General Arnold Thomas Ibay.

Nahuli ang lalaki ng magsumbong ang biktima na si John Michael Carmona y Retita, 38, sa panloloob sa kanyang tahanan.

Sa follow up operation, naaresto ang suspek at ang 1 pouch na naglalaman ng sari-saring pick lock tool, 1 pouch na naglalaman ng mga susi; 1 violet sweatshirt; 1 pulang backpack; at P3,000.

Nakuha pa sa suspek ang 1 13-inch na patalim, 1 sachet ng hinihinalang shabu Isang at 1 cal .38 revolver na may 2 bala.