PINARANGALAN ni Manila Mayor Isko Moreno Domagoso ang ilang Manileños sa Gawad Manileño 2026 awards noong Huwebes sa Metropolitan Theater.

Kabilang sa mga pinagkalooban ng parangal ang mga nag-ambag sa larangan ng edukasyon, kalusugan, socio civic work, sining at kultura, mass media, palakasan, youth development at pangangalaga sa kalikasan.

Ginanap ang pagpaparangal sa temang “Gawad Manileño 2026: Pagpupugay sa Kahusayan at Paglilingkod,” na bahagi ng pagdiriwang ng ika-455 taong anibersaryo ng Araw ng Maynila.

Hindi lamang tropeo o sertipiko ang Gawad Manileño kundi tradisyon na sinusundan na isinalin ng mga naunang namuno sa Maynila, ayon sa mayor.

“A great city is not built by the government alone; it is built by the citizens who choose to care.

Ang Maynila ay hindi dakila dahil ito ay kabisera ng bansa. Dakila ang Maynila dahil sa mga Manilenyong araw-araw na lumalaban at nagsisikap,” sabi ng mayor.