NAG-groundbreak ang itatayong infirmary hospital na proyekto ni Gov. Bonz Dolor sa Brgy. Inarawan, Naujan noong Miyerkules.

Sampung mga barangay ang nasasakupan ng District 8 na malayo sa Naujan kaya malaking tulong ang bagong ospital.

Mula sa paanakan lamang ang unang disenyo, mas nadagdagan ang magiging serbisyo dahil nilagakan ng P20 milyon ang proyekto.

Katuwang sa pagtataguyod ng ospital sina Naujan Mayor Henry Joel Teves at iba pa.

Tinatanaw ang ospital na magiging katuparan sa minimithi na mas malawak pang saklaw ng proyektong ito na tutugon sa pangangailangan ng mga mamamayan sa naturang mga lugar.