Calendar
Oblinque pinalitan si Fajardo bilang PNP comptroller
ITINALAGA si Maj. Gen. Westrimundo Obinque noong Sabado bilang bagong Philippine National Police (PNP) Comptroller.
Pinalitan ni Maj. Gen. Obinque si Brigadier Gen. Jean Fajardo, na itinalaga naman bilang Officer-in-Charge, Deputy Commander ng Area Police Command (APC)-Eastern Mindanao.
Dalawa ang posisyon ni Fajardo–PNP Comptroller at PNP spokesperson–sa mahigit dalawang buwang panunungkulan ng sinibak na PNP chief Gen. Nicolas D. Torre III.
Pinalitan ni Maj. Gen. Christopher Birung si Maj. Gen. Obinque bilang director ng National Police Training Institute at itinalaga si Brig. Gen. Leon Victor Rosete na OIC ng APC-Eastern Mindanao.
Inilagay namang hepe ng Peace Process and Development Center si Brig. Gen. Elmer Ragay kapalit ni Colonel Hansel Marantan na ngayo’y hepe ng PNP-Highway Patrol Group.
