CALAPAN CITY–Nagliwanag ang building ng Sangguniang Panlalawigan noong Nobyembre 27 sa pagsisimula ng pailaw ngayong taon.

Nakasentro ang mga disenyo ngayong taon sa temang Christmas Lantern Festival na kung saan maaaring dayuhin gabi-gabi.

Dumaan si Bise Gobernador Antonio Jojo Perez Jr. at namahagi ng mga pamaskong regalo sa mga bata katuwang ang mga board members mula sa una at Ikalawang distrito.

Sa Nobyembre 30, magniningning rin ang kapitolyo sa simula ng pailaw at kaabang-abang ang siyam na boots na magtatampok ng lantern festival.

Ang mga pailaw ang hudyat ng masayang pagsalubong ng sambayanang Mindoreño sa kapaskuhan.