NASABAT ng Philippine Coast Guard (PCG) ang 1.6 milyong halaga ng hinihinalang smuggled na sigarilyo sa Matnog Port, Sorsogon, noong Abril 17.

Ininspeksyon umano ng mga tauhan ng PCG sub-station Matnog at PCG K9 Unit ang isang puting Nissan Urvan at dito nadiskubre ang mga sigarilyo. Sasakyan ang van sa RoRo na patungong Allen, Northern Samar.

Naaresto ng mga otoridad ang tatlong suspek na sakay ng van.

Dinala sa Bureau of Customs (BOC) ang sasakyan at kontrabando para sa isasagawang imbestigasyon.