UMAABOT sa mahigit P400,000 na halaga ng shabu ang nakumpiska sa isang pinaniniwalaang tulak sa Purok 6, Brgy. Uno, Calamba City noong Biyernes.

Nasakote ang suspek na kinilalang si alyas Tugas sa buy-bust, ayon sa mga miyembro ng Calamba police, at narekober mula sa kanya ang 60 gramo ng shabu na may standard price na P408,000.

Natiklo ang suspek matapos magpanggap na poseur-buyer ang isang pulis dakong alas-3:45 ng hapon, ayon sa report.

Nakumpiska run kay Tugas ang walong heat plastic sachets gayundin at ang buy-bust money.

Kasalukuyang nakapiit ang suspek sa Calamba City Jail at sinampahan na ng kaukulang kaso.