NAGBAHAGI ng close-up na video ang Philippine Institute of Volcanology and Seismology (Phivolcs) na nagpapakita ng bahagyang strombolian activity sa Mayon Volcano bandang alas-8:00 ng umaga nitong Lunes, Marso 9.

Ayon sa ahensya, umabot na sa ika-63 sunod-sunod na araw ang effusive eruption ng bulkan. Patuloy itong naglalabas ng kumikislap na lava flows, pyroclastic density currents (PDCs), at mga pagguho ng bato mula sa bunganga.

Muli ring nagpaalala ang PHIVOLCS na mahigpit na ipinagbabawal ang pagpasok sa loob ng 6-kilometrong permanent danger zone habang nananatiling nakataas ang Alert Level 3 sa Mayon Volcano.