NAIS ni 1-TAHANAN Party List Representative Nathaniel “Atty. Nat” M. Oducado na mabigyan ng exemption sa “travel tax” ang mga senior citizen at mga estudyante.

Ito ang layunin ng House Bill No. 6979 na isinulong ni Oducado sa Kamara de Representantes upang mabigyan ng exemption sa travel tax hindi lamang ang mga senior citizen at estudyante. Pati na rin ang mga single parents, indigenous people at mga benepisyaryo ng Pantawid Pamilyang Pilipino Program (4Ps).

Ipinaliwanag ni Oducado na sa kasalukuyan, ang travel tax ay nagkakahalaga ng P2,700 para sa mga first-class passengers at P1,620 naman para sa mga economy-class passengers.

Sinabi ng kongresista na: “This tax disproportionately affects more vulnerable and lower-income sectors of society. For members of these sectors, the travel tax represents a substantial additional cost that restricts mobility, limits family reunification and hampers access to overseas opportunities”.

“By expanding exemptions to vulnerable sectors, this bill seeks to ensure that the travel tax system is more equitable, sensitive to socio-economic disparities and aligned with the principle of progressive taxation,” dagdag pa ni Oducado.