NAGLINIS ng mga basura na iniwan ng mga nagpaputok at gumamit ng pyrotechnics sa pagsalubong ng 2026 sa Brgy. Cuta, Batangas City ang mga pulis, bumbero at mga miyembro ng Public Services and Maintenance Unit (PSMU) noong Enero 1.

Isinagawa ang aktibidad, sa pamumuno ni P/Lt. Sharen Ama, bandang ala-1:30 ng madaling araw upang matiyak ang kaligtasan ng publiko, mapanatili ang kalinisan at maiwasan ang posibleng sunog kasunod ng pagdiriwang ng Bagong Taon.

Ang operasyon ay nagpakita ng kooperasyon sa pagitan ng mga ahensya ng pamahalaan at ng pangako na panatilihin ang kaayusan ng publiko, kalinisan ng kapaligiran at kapakanan ng komunidad.