BINATI ng Batangas Police Provincial Office (BPPO) ang mga nakapasa sa ginanap na Police Executive Service Eligibility (PESE) sa 20th PESE conferment rites na noong Nobyembre 28 sa Quezon City.

Nagpakita ng magandang pamumuno, propesyonal na kakayahan at malalim na pagmamalasakit—mga katangiang nagbigay ng mataas na karapatan sa pamumuno–sina P/Lt. Col. Ira Morello, P/Lt. Col. Ronnie Sibiran at P/Lt. Col. Aleli Buaquen.

Ang makabuluhang tagumpay na ito ay sumasalamin sa kanilang matatag na pangako sa paglilingkod sa publiko, integridad, at mas mataas na responsibilidad.

Ang pagkakaloob ng PESE patunay sa kanilang mga taon ng natatanging serbisyo, kadalubhasaan sa operasyon at pagsunod sa pinakamataas na pamantayan ng pamumuno.