BINASAG na rin ni Ako Bicol Party List Representative Elizaldy “Zaldy” S. Co ang kaniyang katahimikan upang sagutin ang paratang laban sa kaniya ng mga dating opisyal ng Department of Public Works and Highways (DPWH) tungkol sa kontrobersiyal na flood control projects.

Mariing pinabulaanan ni Co ang di-umano’y mga maling akusasyon na ipinukol laban sa kaniya kaugnay sa isinagawang pagdinig ng Senate Blue Ribbon Committee na pinamumunuan ni Senator Panfilo “Ping” Lacson.

Pagbibigay diin ng kongresista na ang lahat ng naging pahayag nina dating DPWH Regional Director at Engineer Henry Alcantara at Engineer Brice Hernandez sa Senate Blue Ribbon Committee hinggil sa flood control projects ay pawang mga kasinungalingan at walang matibay na basehan.

“I reserve my right to respond to these allegations at the proper time before the proper forum. The allegations made against me during today’s Senate hearing are false and baseless,” pahayag ni Co.