TALAVERA, Nueva Ecija–Matapos ang apat na taong pagtatago, bumagsak sa kamay ng batas ang suspek sa kasong robbery with violence sa Cabanatuan City noong Huwebes.

Ayon kay police chief Lt. Col. Rogelio Pacificar Jr., nasakote si alyas Palos, 22, sa Brgy. Bagong Sikat, Cabanatuan City.

Inaresto ang suspek sa bisa ng warrant of arrest para sa kasong robbery with violence against or intimidation of persons, ayon sa report.

Sinabi ni Nueva Ecija police chief P/Col. Heryl Bruno na: “Ang tagumpay na ito ay nagpapakita ng patuloy na pangako ng pulisya sa pagpapaigting ng kampanya laban sa mga wanted person at pagtiyak na ang mga nagkasala ay maihaharap sa hukuman.”