PINURI ng Sangguniang Panlungsod ang Batangas City police dahil sa mababang crime rate noong 2025 kumpara noong nakaraang taon.

Ayon kay P/Lt. Col. Ira Morello, hepe ng Batangas City police, kabilang sa kanilang mga accomplishment mula Enero hanggang Hunyo 2025 ang 147 operasyon laban sa ilegal na droga.

Umabot sa 189 drug suspek ang naaresto sa operasyon at nasa P6 milyon na halaga ng droga ang nakumpiska.

Nasa 997.92 grams ng shabu at 1,065.28 grams ng marijuana ang nasamsam din.

Umabot sa 132 suspek sa iba’t-ibang krimen ang kanilang naaresto habang 500 ang operasyon laban sa illegal na armas.