NAG-premiere ang pelikulang “Sisa” sa 48th Asian American International Film Festival noong Hulyo 31 sa Asia Society, New York City.

Kinilala ang pelikula ng Philippine Consulate General sa New York sa pamumuno ni Consul General Senen Mangalile kasama sina Maria Fe Mangalile at Consul Juan Carlos Borromeo na dumalo sa premiere.

Pinalakpakan at binigyan ng standing ovation si Hilda Koronel kasama ang producer na si Rey Cuerdo dahil sa ipinamalas nilang pambihirang husay sa pelikula.

Ang “Sisa,” na isinulat at idinirek ni Jun Robles Lana, ay sumasalamin sa paninindigan ng mga Pilipino sa mga huling araw ng Philippine-US war.

Unang kinilala ang pelikula sa Portugal matapos magwagi ng Best Screenplay award sa 46th Fantasporto International Film Festival noong Marso.