Calendar
Suarez: Mataas na tiwala ng publiko sa House Members, patunay ng epektibong pamumuno ni Speaker Romualdez
BINIGYANG-DIIN ni Senior Deputy Speaker David “Jay-Jay” C. Suarez na ang pinakahuling WR Numero Research survey na nagpapakita na halos pito sa bawat 10 Pilipino o 68% ang nasisiyahan sa kanilang mga kinatawan sa Kamara ay sumasalamin sa mahusay na pamumuno ni Speaker Ferdinand Martin G. Romualdez.
“This survey result underscores the confidence of our people not just in their local representatives, but in the collective leadership of Speaker Ferdinand Martin G. Romualdez. His steady hand and vision for a Bagong Pilipinas guide the House of Representatives to remain focused on the needs of our communities,” ani Suarez, batay sa pinakahuling Philippine Public Opinion Monitor ng WR Numero.
Ayon kay Suarez, ipinapakita ng mataas na rating na mahalaga ang suporta ng taumbayan para mapatatag ang demokrasya sa Pilipinas.
“The role of a congressman goes beyond lawmaking inside the halls of Batasan. It is about being present in the lives of our constituents — listening to their needs, finding solutions to their daily struggles, and ensuring that government resources are delivered to the grassroots. That is the essence of representation,” giit pa ng mambabatas.
Dagdag pa ng kongresista mula sa Quezon, ang ugnayan sa pagitan ng tao at kanilang mga kinatawan ang pundasyon ng epektibong pambansang kaunlaran.
“Nation-building begins in every district. When Filipinos feel that their voices are heard and their welfare is protected, it strengthens not only our democracy but also our collective drive to move the country forward,” paliwanag ni Suarez.
Ipinakita ng WRN Numero survey, na isinagawa mula Hulyo 29 hanggang Agosto 6, 2025, na 68% ng mga Pilipino ay nasisiyahan sa kanilang mga district representatives, habang 7% lamang ang hindi nasisiyahan at isa pang 7% ang nagsabing hindi nila kilala ang kanilang kongresista.
Sinabi ni Suarez na sa pamumuno ni Speaker Romualdez, patuloy na uunahin ng House of Representatives ang mga hakbang na magpapagaan at magpapabuti sa buhay ng karaniwang Pilipino — mula sa pagpapababa ng presyo ng pagkain hanggang sa pagtitiyak ng de-kalidad na edukasyon at serbisyong pangkalusugan.
“As this survey reminds us, trust is earned by service. Under Speaker Romualdez, the House will remain a true House of the People — responsive, compassionate, and committed to building a stronger nation,” diin pa ni Suarez.
