SINABI ni Senador Juan Miguel “Migz” Zubiri na ia-associate niya ang kanyang sarili sa minority ng Senado, habang sinabi naman ni Senador Joseph Victor “JV” Ejercito na mananatili siyang independent sa pagpapatuloy ng reorganization ng kapulungan.

Sinabi ni Zubiri na nag-abstain siya sa naunang botohan upang magkaroon ng “free hand” sa pagboto sa mga isyung mahalaga para sa sambayanang Pilipino.

“Nag-abstain lang ako para I have a free hand to vote on which issue that I think is important for the Filipino people. But when it comes to the organization, I would like to associate myself with the minority,” sabi ni Zubiri.

Samantala, nagpasalamat si Ejercito sa tiwala ng liderato ng Senado ngunit sinabi niyang mas nais niyang panatilihin ang kanyang independent status.

“As of this time I would rather maintain my independence and with what is happening all over, I think I will be able to perform my tasks very well and my pet programs very well as an independent,” sabi ni Ejercito.

Kinilala rin ni Ejercito na ang posisyon ng majority leader ay isa sa pinakamakapangyarihang puwesto sa Senado, ngunit sinabi niyang nais niyang manatiling independent sa ngayon.

“Being majority leader is a very, of course it’s one of the most powerful position in the Senate but I guess at this point I would like to maintain my independence,” sabi ni Ejercito.

Sinabi ng presiding officer na igagalang ng Senado ang pasya ng bawat senador kung sasama sa majority, aalyansa sa minority o mananatiling independent.

Tinalakay din sa sesyon ang proportional representation sa committee membership, kabilang ang komposisyon ng Senate Committee on Rules at ang ex-officio members nito.

Kalaunan, ini-refer ng kapulungan ang Articles of Impeachment sa Committee on Rules bago inihain ang mosyon na i-refer ito sa Impeachment Court. Sinuspinde ang sesyon upang makapag-convene ang Senado bilang Impeachment Court.