APAT na indibidwal ang nasugatan sa pamamaril sa loob ng Banga National High School sa South Cotabato nitong Biyernes ng umaga.

Sa inisyal na ulat, naganap ang insidente sa loob ng isang silid aralan kung saan isang Grade 9 student na babae ang suspect.

Bigla na lamang umanong namaril ang suspect bago nagbaril sa kanyang sarili.

Agad namang nagdulot ng takot sa mga estudiyante at guro ang insidente.

Sa ngayon, patuloy pa ang ginagawang imbestigasyon sa insidente.