SUGATAN ang babae na binaril sa leeg ng isang suspek na riding-in-tandem habang sakay ang biktima ng tricycle sa Barangay Baclaran, Cabuyao City, Laguna, noong Huwebes.

Kinilala ng Cabuyao police ang biktima na si alyas “Aileen” na nagayo’y confined sa Cabuyao City Hospital dahil sa tama ng hindi pa batid na kalibre ng baril.

Sakay ng tricycle ang biktima kasama ang kapatid na babae nang paputukan ng suspek na angkas sa motor dakong alas-6:30 ng gabi.

Patungo sa Brgy. Mamatid ang biktima nang biglang sumulpot ang dalawang suspek na nakasuot ng helmet.