HINDI umano totoo na hindi sinipot ni vice presidential frontrunner Davao City Mayor Sara Duterte ang isang campaign rally sa Palawan.

Ayon sa Lakas-Christian Muslim Democrats (CMD) walang nakatakdang appearance ang UniTeam tandem nina Duterte at presidential frontrunner Ferdinand “Bongbong” Marcos Jr. sa naturang campaign rally noong Abril 25.

“The Palawan rally was a political event organized by local support groups/slates. Such event was not included in the UniTeam’s calendar of activities,” sabi Lakas-CMD party sa isang pahayag.

Si Duterte ang chairman ng Lakas-CMD na mayroong kasunduan sa Partido Federal ng Pilipinas (PFP) ni Marcos kaya nabuo ang UniTeam.

“As the UniTeam proceeds with the few remaining weeks of campaign to the May 9 Election day, we urge our supporters and allies to follow official social media and mainstream media platforms for official announcements,” dagdag pa ng Lakas-CMD.

Sinabi ng Lakas-CMD na sa kumuha lamang ng impormasyon kaugnay ng mga aktibidad ni Duterte sa mga opisyal na social media pages gaya ng Mayor Inday Sara Duterte, Hugpong ng Pagbabago, Lakas-CMD, at UniTeam BBM-Sara Facebook Pages upang hindi maloko at makapagkalat ng maling impormasyon.