NIYANIG ng magnitude 5.0 na lindol ang ilang bahagi ng Sultan Kudarat nitong Biyernes, Enero 30, 2026 bandang 8:49 ng umaga, ayon sa ulat ng Philippine Institute of Volcanology and Seismology (PHIVOLCS).

Batay sa datos, may lalim na 10 kilometro ang lindol at ang epicenter ay namataan 34 kilometro timog-kanluran ng Kalamansig. Naitala ang Intensity V sa Lebak, habang Intensity IV naman ang naramdaman sa Kalamansig.

Dagdag pa ng ahensya, walang inaasahang pinsala mula sa naturang lindol, ngunit posible ang mga aftershocks, kaya pinapayuhan ang publiko na manatiling alerto at mag-ingat.